“Іграй, баян!” – свята музыкі

Зусім нядаўна ў Гародні адгучалі апошнія гукі абласнога фестывалю-конкурсу “Іграй, баян!”, актыўнымі ўдзельнікамі якога сталі навучэнцы Шчучынскай ДШМ. Асаблівым талентам вылучыўся баяніст Аляксандр Валошкін (настаўнік І. Я. Кажухоўская), якому быў уручаны дыплом трэцяй ступені і каштоўныя падарункі. (Дарэчы, Аляксандр Валошкін на днях вярнуўся з міжнароднага конкурсу “Залатая ліра Палесся”, што адбыўся ў Гомелі, дзе таксама атрымаў дыплом удзельніка). Нядрэннымі вынікамі парадавалі баяніст Цімур Паноў і акардэаністка Ганна Майсеева. Дырэктарам Шчучынскай ДШМ І. І. Сасноўскім былі адзначаны музычныя поспехі выхаванцаў, якія заўсёды прымаюць удзел у такіх мерапрыемствах. Гэта з’яўляецца вынікам плённай працы як педагогаў, так і саміх дзяцей.