На радзіме Чэслава Немэна сабраліся зямлякі и прыхільнікі творчасці
17 студзеня землякі і прыхільнікі творчасці кампазітара і музыканта Чэслава Немэна сабраліся на ягонай радзіме ў Старых Васілішках.
У кацёле Святых Апосталаў Пятра і Паўла, дзе некалі хлопчыкам спяваў Чэслаў і дзе ў яго гонар вісіць мемарыяльная дошка, ксёндз Збігнеў Драгула адслужыў памінальную святую імшу. Прысутныя памаліліся за спачын душы светлага чалавека, які, валодаючы неверагодным талентам, жыў па-хрысціянскіх запаведзях. Вучні Галавічпольскай сярэдняй школы выступілі з цудоўнай каляднай батлейкай. А потым у храме загучаў голас спевака: праз свой знакаміты твор аўтар заклікаў людзей добрай волі вынішчыць нянавісць і захаваць гэты дзіўны свет у любві ды згодзе. Гэта кранула да слёз…
Шчырыя размовы ды ўспаміны працягнуліся ў доме, дзе рос і сталеў Чэслаў Выджыцкі і дзе ўжо некалькі год пасяпяхова працуе клуб-музей. Было па-дамашняму цёпла і хораша.
– Цудоўны дзень – памяці і светлай самоты, – падсумавала Вера Савіна, аўтар сцэнарыя фільма пра дзяцінства Чэслава Немэна, актыўны папячыцель клуба-музея. – Чэслаў зноў аб’яднаў нас, каб зрабіць крышачку іншымі…
Источник: Дзянніца
