У кінатэатры “Беларусь” адбыўся паказ фильма “Кіндэр-Вілейскі прывід”
У кінатэатры “Беларусь” паказалі першы беларускі дзіцячы фільм у стылі фэнтэзі – “Кіндэр-Вілейскі прывід”, які быў зняты ў Жалудку.
Па сюжэце фільма галоўны герой Косцік з сям’ёй арганізаваў гарадок атракцыёнаў у старым радавым асабняку ў Вілейскім раёне і сутыкнуўся з сапраўдным прывідам! Рэжысёр Алена Турава паклапацілася, каб у фільме было шмат спецэфектаў, музыкі і трукаў.
– Першымі прыгодніцкую кінастужку ацанілі школьнікі СШ №1, – расказвае вядучы метадыст КУКП “Шчучынкінавідэасетка” Т.І. Дысько. З задавальненнем глядзелі фільм ліцэісты, гімназісты і навучэнцы гарадскіх школ. Мы плануем арганізаваць паказ і ў сельскіх школах.
Прыемна, што наш пасёлак Жалудок аблюбавалі кінематаграфісты. Спачатку тут здымалі фільм “Масакра”, потым – “Кіндэр-Вілейскі прывід”. Дарэчы, новы дзіцячы фільм будзе цікавы не толькі для падлеткаў, але і для дарослых. Кошт білета – 3 тысячы рублёў.
Фільм “Кіндэр-Вілейскі прывід” ужо паспеў атрымаць некалькі ўзнагарод: прыз глядацкіх сімпатый “Залаты “Лістападзік”, малы крыштальны ключ, дыплом “Самы павучальны фільм”. Адзначаны і акцёры: Вячаслаў Паўлюць атрымаў прыз “Лепшая работа дарослага акцёра ў дзіцячым фільме” на XX Міжнародным кінафестывалі “Лістапад” у Мінску, а Ніка Шылкоўская ўзнагароджана прызам “За лепшую жаночую ролю” на XV кінафестывалі “Казка” ў Маскве.
Дарэчы, у масоўцы зняліся і нашы землякі – студэнткі Надзея Кумпан, Ілона Пацук, журналіст “Дзянніцы” Аляксандр Каспярчук і рабяты з Жалудка.
Кінаманы могуць ацаніць стужку на экранах, а кнігалюбы – набыць аповесць пра Кіндэр-Вілейскі прывід, аўтарам якой з’яўляецца рэжысёр фільма Алена Турава. Прыемнага прагляду!
Источник: Дзянніца
