У кожнай сітуацыі неабходна разабрацца

На “прамую лінію”, якую ў мі­ну­лую суботу праводзіла на­мес­нік старшыні Шчучынскага рай­вы­кан­ка­ма Ганна Станіславаўна Хвядзюк, паступіла шэсць зван­коў. Тэмы гэтых тэлефонных зва­ро­таў былі самыя розныя.

Дзве жыхаркі г. Шчучына з ву­лі­цы 17 Верасня прасілі дапамагчы вы­ра­шыць набалелыя праблемы. У адной жанчыны суседам стаў пры­ват­ны прадпрымальнік, які, па яе меркаванні, не падтрымлівае на­леж­ны парадак на прылеглай тэ­ры­то­рыі. Акрамя таго, жанчына ха­це­ла б спілаваць дрэва ў двары свай­го дома і адрамантаваць ага­род­жу. Другая гараджанка прасіла па­садзей­ні­чаць у вырашэнні надз­вы­чай важнага для яе пытання: выз­на­чыць граніцы карыстання су­меж­ны­мі ўчасткамі.

Ганна Станіславаўна паабяцала, што кожная з вышэйназваных сі­ту­а­цый будзе разгледжана спе­цы­я­ліс­та­мі адпаведных службаў.

Па меркаванні жыхара Шчучына, які таксама патэлефанаваў на “прамую лінію”,  ларок для прыёму шкло­та­ры перанеслі ў зусім няз­руч­нае месца (цяпер ён зна­ходзіц­ца ў раёне былога хлебазавода). Не дасканалы і рэжым работы гэ­тай кропкі.

Г.С. Хвядзюк запэўніла, што гэта пы­тан­не абавязкова разгледзяць у Шчу­чын­с­кім філіяле Гродзенскага аб­л­с­па­жыў­та­ва­рыс­т­ва, і будуць пры­ня­ты адпаведныя меры па ар­га­ні­за­цыі работы ларка.

Насычанай  аказалася тэ­ле­фон­ная размова з кіраўніком пры­ват­на­га прадпрыемства з Мінска. Прад­с­таў­ні­ка бізнесу цікавіў па­тэн­цы­ял нашага рэгіёна, поле дзей­нас­ці для інвестараў, пытанні ма­ладзёж­най палітыкі. Ён мае намер на­ве­даць Шчучын і сустрэцца з кі­раў­ніц­т­вам.

Яшчэ адзін званок паступіў з аг. Рут­ке­ві­чы. Жанчына прасіла ра­заб­рац­ца, чаму пры замене нумара тэ­ле­фо­на ў яе кватэры не ўста­на­ві­лі мадэм. Вырашыць гэту праб­ле­му намеснік старшыні рай­вы­кан­ка­ма даручыла начальніку Шчу­чын­с­ка­га  вузла электрычнай сувязі А.Б. Ры­ба­ку.

А вось жыхарцы аднаго з на­се­ле­ных пунктаў раёна не дае спа­кою такое пытанне: чаму шмат­дзет­ная сям’я з іх вёскі атрымала жыл­лё ў горадзе, а з мясцовага ка­тэд­жа не выязджае?

– Каб адказаць Вам, трэба ве­даць усе нюансы гэтай сітуацыі, – пат­лу­ма­чы­ла Ганна Ста­ніс­ла­ваў­на.

 Кожны, хто скарыстаўся маг­чы­мас­цю патэлефанаваць на “прамую лінію”, атрымае кам­пе­тэн­т­ныя адказы.

Крыніца: https://dzyannica.by/node/12429