У Шчучынскім раёне прайшло ад­к­ры­тае першынство па гандболе

Упершыню пасля больш чым дзе­ся­ці­га­до­ва­га перапынку ў на­шым раёне прайшло ад­к­ры­тае першынство па гандболе, у якім прынялі ўдзел шэсць ка­манд: усяго – каля 30 спар­т­с­ме­наў. Гандбалістаў вітаў начальнік ад­дзе­ла фізічнай культуры, спорту і ту­рыз­му Іван Вікенцьевіч Гваз­доў­с­кі:
– Прыемна, што вы падтрымалі на­шу ініцыятыву па адраджэнні яш­чэ адной спартыўнай традыцыі. Спадзя­ю­ся, што раённыя спа­бор­ніц­т­вы па гандболе стануць сап­раў­ды масавымі і папулярнымі ся­род працоўнай моладзі.

Тры дні бушавалі спартыўныя страс­ці. Усе каманды пра­дэ­ман­с­т­ра­ва­лі высокі ўзровень фізічнай пад­рых­тоў­кі. Мац­ней­шы­мі аказаліся ган­д­ба­ліс­ты РУП ЖКГ, другое і трэцяе мес­цы занялі зборная каманда ама­та­раў гандболу “Герыён” і спар­т­с­ме­ны МПМК-167. Прызёры былі ўзна­га­род­жа­ны кубкамі, медалямі і каш­тоў­ны­мі падарункамі.

– Гандбол – надзвычай па­пу­ляр­ны від спорту ў нашым раёне, – заз­на­чае дырэктар ДЮСШ Віктар Юзэ­фа­віч Шымановіч. – З кожным го­дам усё больш рабят рознага ўзрос­ту наведваюць гандбольную сек­цыю. Шчучынскія спартсмены рэ­гу­ляр­на ўдзельнічаюць у спа­бор­ніц­т­вах, дзе паказваюць выдатныя вы­ні­кі. Вось і нядаўна нашы юныя ган­д­ба­ліс­ты Максім Ціцяк, Кірыл Ко­мар, Андрэй Лапуць, Арцём Вар­ца­ба ў складзе гродзенскай ка­ман­ды абаранялі гонар вобласці ў фі­на­ле рэспубліканскага турніру “Імклівы мяч” і занялі другое мес­ца. Менавіта дзякуючы такім та­ле­на­ві­тым рабятам шчучынскі ган­д­бол актыўна развіваецца.

Источник: газета «Дзянніца»