Вялікія магчымасці малога біз­не­су

На чарговае пасяджэнне рай­вы­кан­ка­ма быў запрошаны цэ­лы шэраг шчучынскіх прад­п­ры­ма­ль­ні­каў. Разглядалася пы­тан­не аб садзейнічанні развіццю і ўма­ца­ван­ню малога і сярэдняга біз­не­су на тэрыторыі Шчу­чын­ш­чы­ны. Эксперты прааналізавалі яго ролю ў фарміраванні да­ход­най часткі раённага бюджэту.

– Мы гатовы выслухаць пра­па­но­вы і ініцыятывы кожнага з вас, каб у бізнесе было цікава і плённа пра­ца­ваць, – звярнуўся да прад­п­ры­ма­ль­ні­каў старшыня райвыканкама С.В. Ложэчнік.

Кіраўнік раёна зацікаўлены, каб з’яў­ля­лі­ся працоўныя месцы, раз­гор­т­ва­лі­ся новыя вытворчасці, асаб­лі­ва арыентаваныя на выпуск якас­най імпартазамяшчальнай пра­дук­цыі.

– Устойлівае сацыяльна-эка­на­міч­нае развіццё залежыць у тым лі­ку і ад ўзроўню актыўнасці малога і ся­рэд­ня­га бізнесу, – лічыць на­мес­нік старшыні райвыканкама А.В. Са­доў­с­кі, які выступіў на па­сяд­жэн­ні з дакладам. – І гэты сектар зай­мае трывалае месца ў структуры эка­но­мі­кі шчучынскага рэгіёна, адыг­ры­вае істотную ролю ў са­цы­я­ль­ным жыцці насельніцтва, садзей­ні­чае фарміраванню канкурэнтнага ася­род­ка, развіццю сферы паслуг, ства­рэн­ню новых рабочых месцаў, з’яў­ля­ец­ца дастаткова мабільным і лёг­ка адаптуецца да зменлівых ры­нач­ных умоў. Менавіта таму раз­віц­цё прадпрымальніцтва з’яў­ля­ец­ца фундаментам для ўмоў ін­тэн­сіў­на­га эканамічнага росту.

У раёне на сёння працуюць 230 су­б’­ек­таў малога і сярэдняга біз­не­су. Сёлета было зарэгістравана пяць новых арганізацый, з якіх дзве – у галіне вытворчасці элек­т­ра­э­нер­гіі, тры – у сферы такіх пас­луг, як дрэваапрацоўка, транспарт, ту­рызм. Відавочны і рост колькасці ін­ды­ві­ду­а­ль­ных прадпрымальнікаў. Іх на Шчучыншчыне больш за 840.

У першым паўгоддзі доля пас­туп­лен­няў у раённы бюджэт ад су­б’­ек­таў малога і сярэдняга бізнесу і ІП склала 19%. За мінулы год пры­ват­ні­кі стварылі 45 рабочых мес­цаў, з іх 14 – у галіне вытворчасці, 31 – у гандлёвай сферы. Сёлета ад­к­ры­та яшчэ 45, а да канца года іх колькасць павялічыцца амаль уд­вая ад гэтай лічбы дзякуючы ўво­ду прыватнага прадпрыемства «Праймілк».

  У сваім дакладзе А.В. Садоўскі пад­к­рэс­ліў, што ўвогуле вытворчай дзей­нас­цю ў раёне займаюцца 35 ар­га­ні­за­цый малога і сярэдняга біз­не­су. Прамысловай прадукцыі за мі­ну­лы год выпушчана на 81 мі­ль­ярд рублёў, што складае 4,6% у аб’­ё­ме вытворчасці прамысловай пра­дук­цыі раёна. Тэмп росту – 111,3%.  Асноўнымі вытворцамі-пры­ват­ні­ка­мі з’яўляюцца такія прад­п­ры­ем­с­т­вы, як «Вектар», «Рына Пластык», «Аромавкус», «Поліпласт-М», «Едвік». Яшчэ 11 пры­ват­ных арганізацый займаюцца бу­даў­ніц­т­вам, 34 – задзейнічаны ў се­ль­с­ка­гас­па­дар­чай галіне.

Старшыня абласнога Саюза прад­п­ры­ма­ль­ні­каў, кіраўнік Шчу­чын­с­ка­га цэнтра падтрымкі прад­п­ры­ма­ль­ніц­т­ва І.У. Чарнякоў падзя­ліў­ся сваімі думкамі наконт таго, што варта зрабіць на за­ка­на­даў­чым узроўні, каб бізнес у Беларусі раз­ві­ваў­ся яшчэ больш актыўна.

– У пытаннях рэгістрацыі наша рэс­пуб­лі­ка зрабіла сапраўдны ры­вок, але празмерна жорсткія пат­ра­ба­ван­ні ў іншых напрамках тар­мо­зяць і развіццё таго ж пры­да­рож­на­га сэрвісу, і мэблевай вытворчасці, і іншыя сферы, – пры гэтым Ігар Уладзі­мі­ра­віч прывёў канкрэтныя прык­ла­ды, як, дарэчы, і прыклады рэ­а­ль­най падтрымкі пачынаючым біз­не­соў­цам. – Наш бізнес-цэнтр да­па­ма­гае ў пытаннях сер­ты­фі­ка­цыі, аказвае кансультатыўныя пас­лу­гі, вядзе бухгалтарскае суп­ра­вад­жэн­не і многае іншае. Мы рас­п­ра­цоў­ва­ем на перспектыву мнос­т­ва цікавых напрамкаў у сваёй дзей­нас­ці, у тым ліку і ў сферы ІТ-тэх­на­ло­гій.

Старшыня райвыканкама С.В. Ло­жэч­нік заклікаў людзей бізнесу смя­лей уваходзіць у такую тэму, як ту­рызм. А па словах прад­п­ры­ма­ль­ні­каў, амаль кожны з іх не раз за­дум­ваў­ся пра гэты цікавейшы на­кі­ру­нак.

– У мяне ёсць задумка адкрыць … аэрасядзібу, запрашаць гасцей у паветраныя вандроўкі, развіваць пас­лу­гі, звязаныя з адноўленым аэ­рад­ро­мам. Гэта, так бы мовіць, для душы, – нечакана падзяліўся пла­на­мі былы ваеннаслужачы, а за­раз дырэктар прадпрыемства «Рына Пластык» В.М.Чупрына, падзя­ка­ваў­шы кіраўніцтву раёна за ад­рад­жэн­не і захаванне аві­я­цый­най гісторыі нашага горада.

На пасяджэнні райвыканкама ў той дзень былі разгледжаны і такія ак­ту­а­ль­ныя пытанні, як дарожная бяс­пе­ка на тэрыторыі раёна, пад­рых­тоў­ка да ацяпляльнага сезона і мно­гія іншыя. Па кожным з аб­мер­ка­ва­ных пытанняў прынята ад­па­вед­нае рашэнне.

Крыніца: https://dzyannica.by/node/12437